طيب نيجي دلوقتي لتعليق الاوامر

عندنا الصفقة بتاعتنا بيع من نقطة علوية وهي بيع اليورو من 1.3185

طيب يبقي هنعلق امر sell limited سيل ليمتد من 1.3185 من غير خصم اي اسبريد وهيكون الهدف الاول عند 1.3165+3 اسبريد = يبقي هنحط الهدف عند 1.3168 يعني 17 نقطة صافية والاستوب بتاعنا 20 نقطة + الاسبريد يعني 1.3205+3 اسبريد = 1.3208 يعني -23 نقطة صافية واللوت زي ما اتفقنا 1 دولار

http://alkindyfx.org/up/viewimages/e2b7d5f81f.png

الامر الثاني بتاع ملاحقة الارباح هيكون زيه بالظبط ما عدا الهدف هنحط 50 نقطة يعني هنخلي الهدف 1.3138

http://alkindyfx.org/up/viewimages/c7307617db.png

طيب هنلاحق الارباح ازاي ؟؟؟؟؟؟؟؟؟؟

ان شاء الله اول ما العقد الاول يجيب الهدف بتاعه هنقوم محركين الاستوب الي -10 نقطة يعني هنخلي الاستوب بدل ما هو 1.3208 لا هنخليه 1.3198 وكل السعر ما ينزل 10 نقاط ننزل الاستوب 10 نقاط وهكذا لغاية لما يضرب الاستوب المتحرك او يضرب الهدف

http://alkindyfx.org/up/viewimages/8bdfeeaf4a.png

بالتوفيق ان شاء الله

دلوقتي هنشوف حالة اننا نلغي الصفقة المعلقة وهي حالة الارتداد قبل التفعل ب10 نقاط او اقل

http://alkindyfx.org/up/viewimages/1f403c2f07.png


وديه هنستني حاجة اسمه الصفقة الوهمية ايه الصفقة الوهمية ديه ؟؟؟؟؟

يعني لو الحالة ديه اتحققت هنلغي الاوامر المعلقة ونتابع السعر بس على الشاشة ونشوف ايه اللي هيحصل لو السعر لمس النقطة بتاعتنا يا تري هيجيب الهدف ولا هيضرب الاستوب ولا ايه اللي هيحصل بالظبط ؟؟؟؟؟

بس طبعا احنا عباقرة وخبراء ومتميزين وفي نفس الوقت ابو جواد قال لو حد حب يدخلها ممكن بس على مسؤلية المتداول الشخصية وبما اننا كلنا كبرنا وبقينا اد المسؤلية يبقي نلغي الامرين اللي اللوت فيها ب 1 دولار وهنعلق امر واحد بنص دولار بس ونسيبه وهو رزقه لو جاب الهدف خير وبركه 10 دولار احنا اولي بيها وممكن تسند معانا ده ساعات المارجن بيقف على دولار واحد ولو خسرنا يبقي هنخسر 10 دولار بس من 1000 دولار يعني 1 % مش كتير اكني سلفتهم للشركة وهاخدها منهم تاني باذن الله

يبقي بالنسبة لينا مفيش حاجة اسمها صفقة وهمية الصفقة لو اتفعلت من اول مرة خير وبركة ولو ما اتفعلتش وارتدت قبل التفعل ب 10 نقاط يبقي هنلغي الاوامر ونعلق امر بس بلوت صغير ونتابع ونشوف

طيب يا عم الحاج دلوقتي السعر وصل للنقطة والحمد لله جاب الهدف الاول ونزل السعر بس ما وصلش للهدف الثاني ابو 50 نقطة ورجع للنقطة بتاعتنا تاني وطبعا هيكون ضرب الاستوب المتحرك في سكته ايه اللي هيحصل

http://alkindyfx.org/up/viewimages/8ad43905a9.png

هنا بقا بداية الشغل بتاعنا وهو اننا هننظر اغلاق 5 دقايق فوق النقطة طب يعني ايه اغلاق 5 دقايق اللي مصدعنا بيها ديه ؟؟؟؟؟؟؟؟؟

يعني هنجيب فريم ال5 دقايق ونستني اغلاق شمعتين فوق النقطة طبعا الشمعة الاولي اللي هتخترق السعر اسمها شمعة الاختراق والشمعة التانية اسمها شمعة الاغلاق وديه لازم معظم الشمعة يكون فوق النقطة يعني الافتتاح والهاي والاغلاق فوق 1.3185 طبعا ممكن يكون اللو بتاعها تحت النقطة مفيش مشكلة والافضل طبعا ان الشمعة كلها تكون فوق النقطة

وبعد كده نستني اعادة الاختبار يعني السعر يرجع للنقطة ونشتري على طول بعقدين برضه العقد الاول ب 1 دولار والهدف 20 والاستوب 20 والعقد التاني باستوب 20 وهدف 50 وملاحقة ارباح بنفس الطريقة السابقة

طبعا بعد الساعة 6 مساء بيكون السوق هادي شوية ولو تفعلت صفقة في الوقت ده ممكن تذلنا على اغلاق ال5 دقايق بمعني تلاقي الشمعة تغلق على النقطة بالظبط او تحتها بنقطة طبعا ولا يهمنا من الكلام ده كله هنستني اغلاق شمعتين فوق الرقم وندخل مع التالتة

طب واحدة اغلاقت فوق والتانية اغلقت تحت والتالتة فوق والرابعة تحت والخامسة تحت والسادسة فوق والسابعة تحت والتامنة فوق والتاسعة فوق يبقي هندخل مع الشمعة العاشرة لان في شمعتين متتاليتين اغلقوا فوق النقطة


طبعا الشراء في حالة الاغلاق فوق هيكون كالاتي على اليورو دولار

شراء عقد ب1 دولار من 1.3185+3 اسبريد يعني الشراء من 1.3188 والاستوب بتاعنا 1.3165-3 اسبريد = 1.3162 والهدف بتاعنا 1.3205 بالظبط يعني الهدف +17 نقطة صافية والاستوب -23 نقطة صافية

والعقد التاني نفسه بس هنخلي الهدف بتاعنا عند 1.3185+50 = 1.3235 ان شاء الله وبنفس طريقة ملاحقة الارباح

دلوقتي حالة لو السعر وصل للنقطة وفعلها وطار ضرب الاستوب بس ما وصلش الي 1.3235 ايه اللي هيحصل

هنستني اغلاق 5 دقايق تحت النقطة ونبيع بنفس الطريقة المشروحة في المشاركة اللي فاتت

http://alkindyfx.org/up/viewimages/1d29e865ea.png


طيب لو فعل الصفقة وطار ضرب الاستوب ووصل لغاية 1.3235 او اعلي منها هنعمل ايه

http://alkindyfx.org/up/viewimages/35d9fb3f36.png

هنستني السعر يرجع ليها تاني وهنتعامل معاها أكنها صفقة شراء جديدة تمام