مؤسسة الكندي للإستشارات المالية

بسم الله الرحمن الرحيم
اللهم وفق خطواتنا وسدد رمياتنا

اخواني :
اولا : الشروط اللي جاية ديه انا مسئول عنها وهيا خلاصة الباك تست وربنا يوفقنا فيها

1- الشغل على اليورو دولار بس على الاقل جرب لمده اسبوع على الديمو لغاية لما تتقنها وان شاء الله خير

2- الفريم نص ساعة

3- الاستوب لوز المبدئي عند دخول الصفقة50 نقطة والهدف المبدئ 20 نقطةطبعا هتقولي مفيش توافق بين الاستوب والهدف هقولك ان نسبة ضرب الاستوب خلالفترة الباك تست هما مرتين او 3 مرات بس انضرب الاستوب وتم التعويض في نفساليوم يعني ما تقلقش علشان الاستوب عالي بس الهدف من الاستوب 50 انه ساعاتاول ما بتدخل الصفقة اول ما تدخلها على طول يعكس معاك السعر 10-20-30-40-45نقطة على الاكثر بعدين يجي زي الباشا على الهدف بتاعك علشان كده اول ماندخل الصفقة نحط الاستوب 50 نقطة

4- اول ما نشوف باذن الله اول 10 نقاط ربح نحرك الاستوب فوريا على نقطةالدخول وبدون اي نقاش رجع السعر وضربه يبقي تحمد ربنا بدل الخسارة لانهيبقي فيها ضرب استوب انما بتحريك الاستوب بقيت في الامان وبعد اول 10 نقاطارباح اعمل تريلنج ستوب كل 5 نقاط يعني بعد 15 نقطة ربح حرك الاستوب 5نقاط ولما نشوف 20 نقطة ربح حرك الاستوب كمان 5 وهكذا
5- 20 نقطة ارباح مضمونين باذن الله - 30 نقطة كتير بيجيو - 40 نقطة ممكن يتحققوا
لو السعر وانتا قاعد بتتابعه سرح وجاب 60-70 نقطة احمد ربنا واخرج فورا لان 100 نقطة قليل اوي لو اتحققت
اللي فات ده كانت شروط العمل الاساسية والضرورية وانا مسئول عنها

5- لو الاختراق اثناء السوق الاوربي حصل بشمعة ليموزين اكتر من 50 نقطةيبقي بلاش تدخل ولو انتا من الناس اللي ايديهم بتاكلهم يبقي الدخول بهدف 10نقاط بس عشرة فقط

نجي بقه للي استنتجته لشرح المؤشر وانا باستاذن اخي ياسين اني اعيد شرح المؤشر من وجه نظري وياريت تطبقه الكلام على الديمو الاول

اولا المؤشر بيبدا مع السوق الاسيوي والياباني يعني بعد فتح السوق فياستراليا وبينتهي مع اغلاق السوق الاوربي وفتح السوق الامريكي وبيقسممنطقة العمل لقسمين القسم الاول وهو من فتح سوق اسيا حتي الاغلاق وده بيكونالساعة 9 بتوقيت القاهرة وده اللي بيتم فيه تحديد حدود السعر العلويةوالسفلية وده مش هنعمل اي حاجة فيه احنا هنستني من الساعة 8.5 بتوقيت القاهرة لغاية الساعة 3 والقسم التاني من بداية السوق الاوربي الساعة 9 بتوقيت القاهرةوينتهي مع بداية السوق الامريكي الساعة 3 بتوقيت القاهرة
نيجي للمهم بقه ركزوا معايا كويس في اللي جاي

اختراق السعر
( الاختراق ممكن يتم مرة او مرتين بس يعني بتكون عندنا فرصة واحدة في اليوم او فرصتين بس )

السعر ممكن يخترق الهاي واللو بتاع السوق الاسيوي في اول افتتاح السوق الاوربي او في نصه او مع الاغلاق وبداية السوق الامريكي
الدخول يكون بعد اقفال شمعة الاختراق على طول لو تم الاختراق في بداية الاوربية يعني شمعة الساعة 9 بالظبط لو الشمعة شراء يبقي الدخول شراء ولو بيع يبقي الدخول بيع بنفس الشروط اللي قلتها في اول الموضوع

ونفس القصة لو الاختراق تم في منتصف الفترة الاوربية ويتم الالتزام بالاستوب والاهداف اللي شرحتها لان احتمال ارتداد السعر ويعاود اختراق مربع منطقة العمل كبيرة وفي الحالة ديه نستني السعر مع اقفال السوق الاوربي
لو السوق الاوربي قرب يقفل ومفيش اي اختراق حصل وجت شمعة الساعة 3 في منطقة وسط بين الهاي واللو اللي على المربع نشوف اغلاق شمعة الساعة 3 لو شمعة بيضا ندخل شراء ولو سودا ندخل بيع على افتتاح الشمعة الجديدة اللي بتتكون خارج حد المربع الرمادي باهداف من 10 الي 70 نقطة بس ضروري ضروري ضروري الاستوب على 50 ونحركه على نقطة الدخول مع اول 10 نقاط ربح ضروري ضروري ضروري وبعد كده كل 5 نقاط ربح نحرك الاستوب 5 نقاط

ما ننساش الكلام ده على اليورو دولار بس لاني لسه ما اشتغلتش على باقي العملات ولو في اي استفسار انا تحت امركم بس حابب ااعيد تاني بجد الاستراتيجية رهيبة وفي خلال شهرين من التداول كل يوم انضرب الاستوب حوالي مرتين او تلات مرات بس

تنويه هام جدا :
· لو الاختراق حصل في بداية الفترة الاوربية ولقيت السعر طلع واخترق الحد العلوي للمربع مثلا لفوق وانتا دخلت شراء وبعدين في خلال ساعة مثلا لقيت السعر نزل وغطس جوه المربع وقفل جواه حاول تخرج من ااقرب نقطة لنقطة الدخول يعني على خسارة 10 نقاط او 15 نقطة
· احلي دخول لما السعر بيتذبذب جوه المربع الاوربي يعني لما السعر يلمس الحد العلوي ويرجع يلمس الحد السفلي انما لو لاقيت السعر بيلعب على الحد العلوي بس او الحد السفلي بس يا ريت نخلي بالنا ونخلي دخولنا يبقي حذر شوية
· للاطمئنان اكتر لو السعر اثناء الفترة الاسيوية لامس الحد العلوي والحد السفلي للمربع الاسيوي يعني اتذبذب بين الحدين بيبقي مطمئن اكتر للدخول
· انا مجبتش سيرة خطوط الموفينج لاننا غيرنا شرط الدخول والخروج بس ممكن نحط موفينج 55 للاسترشاد بس بيه يعني لو السعر اخترقه لفوق يبقي مطمئن اكتر لعملية الشراء ولو السعر تحته يبقي مطمئن اكتر لعملية البيع

واي استفسار انا جاهز وفي خدمتكم وانا اسف اني طولت عليكم في الشرح

اقتباس:

المشاركة الأصلية كتبت بواسطة sindbad_bahary (المشاركة 13325)

مشكور أخي على أفكارك و فعلا طريقة جديدة و مشكور مرة اخرى على الإفادة
بالتوفيق