[fady_younan]

 

مشكلتى مع وندسور يوم الاربع الماضى كنت اخد 8 لوط بيع على الاسترلينى وفتحت هيدج 8 لوط الساعة 11:35 لقيت الشركة قفلت عليا كل الصفقات كلمت الديلنج روم اشتكى قالى انت وصلت للمارجن قولتلة لاء يااستاذ انا قاعد امام المنصة والمارجن كان شغال قالى هشوف المشكلة دى مع الادارة وارجعلك الساعة 12:30 لقيت الصفقات رجعت تانى من غير ماحد يكلمنى انا كلمتهم قولتلة مينفعش بعد ماتقفل الصفقات ترجعها تانى بعد ساعة قالى ينفع وكلمنى بمنتهى قلة الذوق قولتلة كدة تلاعب قالى اللى عندك اعملو بعت اشتكى complaints@windsorbrokersltd.com قالولى احنا رجعنالك الصفقات عاوز اية تانى
ابتديت اخد اجراءات قانونية وقدمت شكوى cysec القبرصة وكلفت محامى برفع قضية دولية والان اخد اجراءات قانونية فى مصر فى نيابة الاموال العامة والبنك المركزى لاغلاق حساباتهم فى بنك بيريوس وبنك باركليز وعدم اخراج اى اموال اخرى لهذة الشركة وانا هطالب بحقى مهما كلفنى من اموال واليكم بعض الصور التى قدمت فيها شكاوى ورد complaints على
قولت للشركة نحل المشكلة بطريقة ودية من غير شوشرة قالولى اللى عندك اعملو وفى موظف فى الشركة رد عليا بكلمة تعتبر فى مصر شتيمة وقفلو الشات فى الموقع عليا نوع الحساب STP
دة شكوتى لادارة complaints

رد ادارة complaints
ان اللى هما عملو قانونى

قمت بعمل شكوى لهيئة الرقابة القبرصية جالى الرد بعد ساعتين انهم تلقو الشكوى وهيجرى التحقيق فيها
ودة رد هية الرقابة

تقدمت بشكوى لهيئة الرقابة فى لندن FCA كما موضح بموقع وندسور انهم خاضعين للرقابة فى لندن
رديت عليا FCA قالو لى انهم غير خاضعين للرقابة فى لندن يعنى معندهمش ترخيص FCA كما يدعون ودة رد الهيئة

صفقات فى الحساب الشركة عملاها باسعار غير موجودة بالسوق
وندسور بيعالى صفقات على حسابى يوم 22/1/2014 على الاسترلينى دولار من اسعار 1.63585 و1.6379 و1.63639
مع العلم ان فى هذا اليوم اللو للعملة كان 1.64502 والهاى كان 1.65870


لما الشركة عرفت انى هرفع قضية دولية كلمونى وقالولى مش هتستفاد حاجة لان احنا ماشين قانونى عن اى قانون يتحدثون قلت لهم يكفينى شرف التجربة وكلفت محامى دولى برفع قضية دولية فى شركة وندسور واى جديد هؤلكم علية

 

 

 

 

 

 

[bary_3]

 

شكرا على الموضوع المهم أخي أتمنى أن تنشره بجميع المنتديات
حتى يتبين الناس أمر الشركة
و إن كنت مستغربا من صنيعها
مع العلم أنها من أعرق الشركات
لاحول ولا قوة إلا بالله

 

 

 

 

 

 

[techforx]

 

كان الله في عونك أخي الكريم

 

 

 

 

 

 

[boussenayoussef]

 

السّلام عليكم أهل منتدانا الكرام

 

 

 

 

 

 

[phero]

 

اولا بشكرك على فتح الموضوع والشركه دى من الشركات التعبااانه جدا والكل اشتكى منها من زماااان بفتح الاسبريد العالى بليل بعد الساعه 12 والكلام دا
مشكلتنا برضه بنبص تحت رجلينا لازم الشركات الى الموجوده فى الوطن العربى ابعد عن شركات تقول stp وهيا ماركت ميكر حقيقى بيفكرنى بيواحد حرامى بس بيقول يارب ساعدنى هههه طيب ازاى زى ما بنقول
من دقنه وافتلو واتمنى بجد سواء هنا فى المنتدى او غير المنتديات غيرو الشركاااات والله فى شركات وبنوك افضل من دى بكتيييييييييييييييييييييييير ولا فيها ديلنج روم بس نقول لمين
ربنا يوفق