[$)Barmuda($]

 

السلام عليكم ورحمة الله وبركاته




مساء الفل والياسمين علي كل الحلوين اللي حاضرين واللي غايبين

فيه طريقة صغيرة وبسيطة جدا هداني لها ربنا وشجعني عليها حبيبي سمير صيام


وأنا مش هطول عليكم وهدخل في الموضوع علي طول

( استراتيجية صبح صبح )
متستغربش من العنوان
المهم المضمون


قبل أي حاجة ادخل اعمل


واحد كابتشينو ومخمخ كدا وصحصح علشان نظبط مع بعض



الطريقة تعتمد على تقاطع الموفينجات ومستويات أر إس أي







أولاً : المكونات





( 1 ) شارت أبو الأندال فريم الساعة


( 2 ) ثلاث موفينجات (Moving EMA 90 & 15 & 7 )


( 3 ) مستويات أر إس أي ( RSI ( 14 ) , levels 35 , 40 , 55 , 58 )



ثانياً : طريقة العمل


الفرص الصغيرة :



الشراء : عند تقاطع موفينج 7 مع موفينج 15 صعودا ويكون الأر إس أي فوق مستوي 55 .



الهدف 75 نقطة .


البيع : عند تقاطع موفينج 7 مع موفينج 15 هبوطاً ويكون الأر إس أي تحت مستوي 40 .
الهدف 75 نقطة .




الفرص الكبيرة :


الشراء : عند تقاطع موفينج 7 و 15 مع موفينج 90 ويكون الأر إس أي فوق مستوي 58 .



الهدف 150 نقطة .


البيع : عند تقاطع موفينج 7 و 15 مع موفينج 90 ويكون الأر إس أي تحت مستوي 35 .


الهدف 150 نقطة .


__________________________


ثالثاً : بعض الملاحظات


سؤال يا معلم بوحه : عرفنا الهدف .. طيب الاستوب لوز فين ؟ وامتي الخروج من الصفقة ؟


جواب يا عم الحاج : مش هنستخدم الاستوب لوز مع أبو الأندال . والخروج من الصفقة


إما أن يكون بتحقيق الهدف ان شاء الله أو تحقق فرصة عكسية فنخرج من الصفقة الأولي وندخل الثانية


الطريقة يا عم الحاج محتاجة شوية مرونة ولما بتتحقق فرصة عكسية بتكون قريبة جدا من نقطة دخول الصفقة الأولي يعني الخسارة ضعيفة جدا في الحالات دي وبتتعوض في الصفقة التالية .



يعني لو فيه فرصة لونج وعملت 50 نقطة مثلا وما وصلتش للهدف وهبط السعر وتحققت فرصة تانية شورت هنخرج من اللونج وندخل الشورت وفي الحالة دي بتكون خسارة الفرصة الأولي بسيطة جداً وبتكون في أغلب الحالات بنسبة 60 % من هدف فرصة صغيرة



سؤال يا عم بوحة : فيه فرص كبيرة بتحقق أهداف أكبر من 150 نقطة . إيه العمل ؟



جواب يا عم الحاج : فيه كذا حل . إما تخرج ب 150 نقطة وتتوكل على الله وتستني فرصة جديدة أو عند وصول السعر للهدف نحرك الاستوب 100 نقطة يبقوا معانا مضمونين في الجيب ونغامر ب 50 نقطة بس لو ضرب الاستوب ناخد 100 نقطة ونحمد ربنا ولو ما ضربش الاستوب يبقي عينك علي كمان 200 نقطة وتخرج ب 300 نقطة يا معلم أو 200 لو انت مش طماع زي بوحه .


سؤال يا معلم بوحه : فيه فرص بتعطي اشارات كاذبة ؟


جواب يا عم الحاج : لازم تتأكد الأول من تحقق كافة الشروط لدخول الصفقة
ومستويات الأر إس أي بتكشف التذبذب بدرجة عالية جدا وبتبعدك عن الدخول الخاطئ بس فيه كمان ملحوظة خد بالك منها بلاش الفرص اللي بيكون الاختراق فيها بشمعة ليموزين أصلها بتعمل حاجات غريبة وممكن تعكس معاك .


بالتوفيييق

 

 

 

 

 

 

[koutaiba]

 

يا راااااااجل انت دوختني باستراتجيتك الحلوة بارك الله فيك و ان شاء الله اطبقها على الديمو و و نشوف روعتها.

بس سؤال يا عم بوحة ايه العملات يلي تشتغل عليها؟؟

 

 

 

 

 

 

[hassan x]

 

مجهود رائع

 

 

 

 

 

 

[ابن الفاروق]

 

برمودا

يا ريت ذكرت انه الموضوع منقول ومن هو صاحب الاستراتيجية

عشان الناس تدعي لصاحب الموضوع الاصلي

وتدعي لناقله يا كتكت

وبطل لطش في المواضيع من غير ذكر انها منقوووووولة

هههههههههه

 

 

 

 

 

 

[mohamed_houssen]

 

لازم اجربها بردة
وان شاء الله تطلع حلوة
الف شكر ليك

 

 

 

 

 

 

[ابن الفاروق]

 

المشاركة الأصلية كتبت بواسطة أبوخالد صاحب الإستراتيجية الأصلي هو المعلم بوحة طبعا كما هو واضح في الشرح

بالفعل الاخ بوحه هو صاحب الاستراتيجية

بارك الله في كاتب الاستراتيجية وناقلها وقارئها

 

 

 

 

 

 

[ابو محمد]

 

بارك الله فيك وفي بوحه

 

 

 

 

 

 

[أبو محمد]

 

بارك الله فيك

 

 

 

 

 

 

[مصطفى ادراو]

 

وين الشارتات يا برمودا
تعودنا منك يكون الموضوع كامل
مشكور على جهودك

 

 

 

 

 

 

[sindbad_bahary]

 

دماغي بقت عاملة زي البكابورت من كتر الاستراتيجيات اللي انتا منزلها يا عم بوحة
ويا تقولنا في انهي عملات نطبق الاستراتيجية ديه يااما هنجبلك ولاد ابو اسماعيل وانتا عارف هيعملوا ايه