[zasd]

 

بسم الله الرحمن الرحيم

والسلام عليكم ورحمة الله وبركاته ..

_______________________

اولا : اعتذر عن الغياب فتره كبيره عن المنتدى .

ثانيا : انهرده هشرح بالصور ازاى نحول الاستراتيجيه الى اكسبرت , بحيث يكون عندنا اكسبرت خاص يفتح ويغلق الصفقات دون تدخل منا ..

هذا الشرح حصرى لمنتديات الكندى .

___________________

اول حاجه لازم نعرف فكره عمل الاكسبرت : الاكسبرت ببساطه بنحدد له شروط للشراء وشروط للبيع . ومجرد تحقيق احد الشروط يقوم الاكسبرت بتنفيذ الصفقات تلقائى ..


طيب تعالوا نشوف اهم اكواد الاكسبرت بتتكون من ايه . واللى هنعدل عليها بعد كده علشان نعمل الاكسبرت الخاص بينا ..

بس ماتخفش .. كل حاجه هتتشرح بالتفصيل وبطريقة سهله .. بس انت ركز .

لما تدخل تشوف اكواد اى اكسبرت هتلاقيها عباره عن التالى ,,

1- جزء خاص بأسم الاكسبرت وحقوق الملكيه ..
2- جزء خاص بخصائص الاكسبرت ( اعدادات المؤشرات و الهدف و الاستوب وقيمة العقد .... الخ )



ودى صورة من اعدادات الاكسبرت بعد الانتهاء من البرمجه




3 - الجزء الخاص بأستدعاء المؤشرات اللى هنشتغل بيها ..



4- جزء خاص بأوامر الشراء والبيع ..


5- جزء الغلاق العكسى .. وده معناه انه يقفل صفقة الشراء مثلا لو تحققت شروط البيع والعكس .



_______________________
طيب دلوقتى بعد ما عرفنا ايه هى اهم اكواد الاكسبرت ..
تعالوا نصمم اكسبرت لاستراتيجيه بسيطه .

الاستراتيجيه بتتكون من موفينج 21 Exponential , وموفينج 100 simple , ومؤشر RSI بأعداداته الافتراضيه .
الفريم المستخدم 15 دقيقه

شروط الشراء .. تقاطع الموفينج 21 مع الموفينج 100 لأعلى + RSI اكبر من المستوى ال 50
وشروط البيع .. تقاطع الموفينج 21 مع الموفينج 100 لأسفل + RSI اصغر من المستوى ال 50




طيب ازاى نحول الكلام ده لأكواد نكتبها فى الاكسبرت ..
نتابع مع بعض



اول حاجه هنعمل استدعاء للمؤشرات

1- نستدعى مؤشر الموفينج افريج 21 . وهنسميه fast ,, لانه هو الموفينج السريع ..



زى ما قولنا .. كلمة double هى كود استدعاء المؤشر.
وكلمة fast دى معناها الاسم اللى احنا سميناه للمؤشر .

والباقى هى اعدادات المؤشر العاديه ..

طيب تمام ..

2- نستدعى مؤشر الموفينج 100 وهنسميه slow مثلا ..



هنلاحظ ان فى فرق بسيط بين المؤشرين .. الاول مكتوب فيه MODE_EMA والتانى مكتوب فيه MODE_SMA .. وهو ده الفرق بين ال Exponential و ال simple

طيب نفرض انى عايز اغير اعدادات المؤشر بدل من 100 الى 200 .. وعايز اعمل الاختيار ده فى اعدادات الاكسبرت بدل ما ادخل اغير الكود كل شويه ..

تابع معايا .

هنطلع فوق عند اعدادات الاكسبرت ونكتب فيه

extern int moving_1=21;

extern int moving_2=100;

كما فى الصورة


كده انا بقوله انى ضفت متغيرين جدد اسمهم moving_1 وده بيساوى 21 ,, والمتغير التانى moving_2 وده بيساوى 100

طيب لغاية كده تمام .. هنعمل ايه بقى بعد ما عملنا المتغيرات ..
ننزل تانى عند استدعاء المؤشرات .. ونشيل الرقم اللى احنا كتبناه .. ونبدله بالمتغير بتاعه ..

الاول كان المؤشرات كده



دلوقتى بقت كده ..


يارب تكون الفكره وصلت ..

ودى صورة بعد ما اضفت المتغيرات .



_________________
لغاية كده تمام . نضيف بقى مؤشر ال RSI

نروح عند جزء استدعاء المؤشرات ونكتب كود الموشر .. وهنسميه rsi

double rsi =iRSI(NULL,NULL,14,PRICE_CLOSE,0);

كما بالصورة


طيب دلوقتى عايزين نغير اعدادات ال rsi بدل من 14 لأى رقم تانى من غير ما ندخل ع الاكواد ونغيره ..

زى ما عملنا مع الموفينج هنعمله مع ال rsi .. هنضيف متغير جديد ونكتبه فى كود المؤشر ..

دى صورة المتغير الجديد



ودى صورة المؤشر بعد ما اضفنا المتغير ..




كده بقى احنا خلصنا من اصعب وارخم جزء فى الاكسبرت ..

_______________________
ندخل على الجزء التانى وهو اوامر الشراء والبيع ..

الاول هناخد اوامر الشراء ...

احنا اتفقنا ان الاستراتيجيه بتقول فى الشراء الموفينج 21 اللى اسمه fast يقطع الموفينج 100 اللى اسمه slow ويكون الار اس اى فوق ال 50
يعنى قولنا fast > slow و rsi < 50 تمام كده !!

اهه هو ده اللى هنكتبه فى الاكسبرت .. الكود اللى هنغيره كما فى الصورة .. ولازم نكتب العلامه && بعد كل شرط ..



كذلك اوامر البيع ..




___________________________
اخر حاجه بقى هى الاغلاق العكسى ..

امتى الاكسبرت يقفل صفقه الشراء ويفتح صفقة بيع ؟؟
لما تتحقق شروط البيع .

هو ده اللى احنا هنعمله .. هنخلى الشراء مكان البيع .. و البيع مكان الشراء .. الصورة هتوضح الكلام اكتر ..




وبعد التعديل ..



واخيرا بعد الانتهاء نضغط على compile لتكوين الاكسبرت .. ولازم يكون الاكسبرت بدون اخطاء لكى يعمل بشكل صحيح . كما بالصورة ..



ان شاء الله فى الشروحات القادمه هنعرف ازاى نستخدم مؤشرات خارج الميتا تريدر فى الاكسبرت ..

وفى النهايه . ده شرح بسيط جدا جدا جدا من لغة MQ4 يارب يكون الشرح عجبكم . واى استفسار انا جاهز ..


ملاحظه : نسخة الاكسبرت موجوده فى المرفقات ..


والسلام عليكم ورحمة الله وبركاته .

 

 

 

 

 

 

[أحمد فؤاد]

 

مشكوووووور والله يعطيك الف عافيه

 

 

 

 

 

 

[zasd]

 

المشاركة الأصلية كتبت بواسطة أحمد فؤاد مشكوووووور والله يعطيك الف عافيه

الله يعافيك يا استاذ احمد .

 

 

 

 

 

 

[dahmanesoft]

 

السلام عليكم

شرح ممتتتتتتتتتاز أخي zasd

بارك الله فيك

بس عندي ملاحظة بسيطة حول

اول حاجه هنعمل استدعاء للمؤشرات 1- نستدعى مؤشر الموفينج افريج 21 . وهنسميه fast ,, لانه هو الموفينج السريع .. زى ما قولنا .. كلمة double هى كود استدعاء المؤشر. وكلمة fast دى معناها الاسم اللى احنا سميناه للمؤشر . والباقى هى اعدادات المؤشر العاديه .. طيب تمام ..

إنما كلمة double نعني بها نوع قيمة المؤشر أي عدد عشري "" رقم بالفاصلة "

أما وظيفة إستدعاء المؤشر هي iMA وهي الوظيفة المسؤولة على إستدعاء المؤشر الداخلي موفنج أفريج


بارك الله فيك واصل مجهود ممتاز

 

 

 

 

 

 

[مهدي-واب]

 

والله اليوم كنت افكر في كيفية تحويل استراتجية الى اكسبرت وذالك لعدم تفرغي
وتواجدي امام الشاشة بشكل يومي

ان شاء الله سأطلع على موضوعك الليلة وربما يكون لي بعض الأسئلة سأطرحها

بارك الله فيك ياغالي

 

 

 

 

 

 

[zasd]

 

المشاركة الأصلية كتبت بواسطة dahmanesoft السلام عليكم شرح ممتتتتتتتتتاز أخي zasd بارك الله فيك بس عندي ملاحظة بسيطة حول إنما كلمة double نعني بها نوع قيمة المؤشر أي عدد عشري "" رقم بالفاصلة " أما وظيفة إستدعاء المؤشر هي iMA وهي الوظيفة المسؤولة على إستدعاء المؤشر الداخلي موفنج أفريج بارك الله فيك واصل مجهود ممتاز

تمام

شكرا اخى dahmanesoft على المعلومه .. انا لسه بتعلم لغة برمجة الاكسبرت . وقولت اشرح اللى اعرفه علشان كلنا نستفاد .

المشاركة الأصلية كتبت بواسطة مهدي-واب والله اليوم كنت افكر في كيفية تحويل استراتجية الى اكسبرت وذالك لعدم تفرغي وتواجدي امام الشاشة بشكل يومي ان شاء الله سأطلع على موضوعك الليلة وربما يكون لي بعض الأسئلة سأطرحها بارك الله فيك ياغالي

ان شاء الله .. بالتوفيق .

 

 

 

 

 

 

[zeyadkabeel]

 

جزاك الله كل خير اخى الكريم

لى استفسار بسيط

اذا حبيت اعمل اكسبيرت لاستراتيجية ونشرت الاكسبيرت هل ممكن حد يعرف ما هى الاستراتيجية ام لا

 

 

 

 

 

 

[zasd]

 

المشاركة الأصلية كتبت بواسطة zeyadkabeel جزاك الله كل خير اخى الكريم لى استفسار بسيط اذا حبيت اعمل اكسبيرت لاستراتيجية ونشرت الاكسبيرت هل ممكن حد يعرف ما هى الاستراتيجية ام لا

وجزاك الله المثل .

بالنسبه للاكسبرت عموما بتظهر طريقة عمل الاستراتيجيه اذا كانت تعتمد على مؤشرات من الباك تست ..
يعنى لما اضيف الاكسبرت وابدا بعمل باك تست .. هيظهر لى المؤشرات ويظهر امتى الاكسبرت دخل شراء وامتى دخل بيع .. وبالتالى اقدر استنتج الطريقه الخاصه بالدخول فى الصفقه .


وفى كل الاحوال يوجد نوعين من الملفات فى الاكسبرت

النوع الاول ملف بصيغه mq4 وده ملف مفتوح .. يعنى اى حد ممكن يشوف الاكواد ويعرف الاستراتيجيه مبنيه على اى اساس ..

والنوع التانى ملف بصيغه ex4 وده بيكون ملف مشفر او محمى . يعنى ما تقدرش تشوف الاكواد اللى جواه ..

 

 

 

 

 

 

[zeyadkabeel]

 

المشاركة الأصلية كتبت بواسطة zasd وجزاك الله المثل . بالنسبه للاكسبرت عموما بتظهر طريقة عمل الاستراتيجيه اذا كانت تعتمد على مؤشرات من الباك تست .. يعنى لما اضيف الاكسبرت وابدا بعمل باك تست .. هيظهر لى المؤشرات ويظهر امتى الاكسبرت دخل شراء وامتى دخل بيع .. وبالتالى اقدر استنتج الطريقه الخاصه بالدخول فى الصفقه . وفى كل الاحوال يوجد نوعين من الملفات فى الاكسبرت النوع الاول ملف بصيغه mq4 وده ملف مفتوح .. يعنى اى حد ممكن يشوف الاكواد ويعرف الاستراتيجيه مبنيه على اى اساس .. والنوع التانى ملف بصيغه ex4 وده بيكون ملف مشفر او محمى . يعنى ما تقدرش تشوف الاكواد اللى جواه ..

شكرا ع الافادة اخى الكريم

 

 

 

 

 

 

[ahmed sherif]

 

تسلم يا احمد موضوع ممتاز :)