[sindbad_bahary]

 

السلام عليكم ورحمة الله وبركاته
اخواني الكرام

طبعا كلنا بنسمع كتير عن الطرق والخطوات اللي تخلينا متاجرين ومتداولين ناجحين في سوق الفوركس منها ادارة راس المال واختيار نقاط الدخول الصحيحة واستعمال الاستوب والسيطرة على الحالة النفسية و ... و ... و .... حاجات كتيرة بنقراها ونقف عندها وبعدين نكمل ولابنستفيد منها اي شئ وتلاقي الواحد مننا بيدخل صفقات وبيخسر كلنا مررنا بالظروف ديه ونقول المرة الجاية هنعمل ونخلي بالنا وتيجي المرة الجاية وبرضه بنقع في نفس الخطا والسبب التاني لخسارتنا زي ما كان بيحصل معايا قبا كده افضل اراقب السوق والاقي فرص كتير حلوة بتمر قدام عنيا وبعد تفكير عميق وكتير افكر ادخل واول ما ادخل والسعر يعكس ااقوم قافل على طول على خسارة وده برضه بيحصل كتير مع ناس كتير جدا جدا وفي ناس بقت مدمنة حسابات ديمو لدرجة انها مش بتفكر تدخل بحسابات حقيقية مش عارف ايه اللي بيستفيدوه مع ان الديمو للتدريب العملي لاتقان استراتيجية معينة او طريقة معينة في المتاجرة واول ما نتمكن منها نبدا نطبق على الحقيقي
معلش اعذروني طولت عليكم في المقدمة
المهم اني وجدت ان العامل النفسي هو اكبر عقبة قدام مننا في طريق الفوركس واننا لو قدرنا نتغلب عليه هنعمل زي ابو جواد لما ربنا فتح عليه وقعد يغني ماسك الفوركس بايديا علشان كده قلت اعمل الموضوع ده ويكون هدفه مساعدة الاعضاء على تجاوز الحاجز النفسي للفوركس يعني كل واحد يعرض مشكلته النفسية مع الفوركس ونحاول نحط ليها حلول ويبقي الموضوع مرجع للمشاكل النفسية عند التداول وطرق حلها

 

 

 

 

 

 

[ابو سلطان]

 

فعلا العامل النفسي هو اهم حاجه
واكبر عقبه والمتحكم فيها بيعبر
سواء حقق ارباح او تقبل الخساره

 

 

 

 

 

 

[أحمد فؤاد]

 

الطمع

 

 

 

 

 

 

[معتصم هنوش]

 

مشكلتي:

أنني أرى الجزء الفارغ من الزجاجه

عندما تبدأ الاحلام بتحقيق هدف طوله 20 نقطه الى الابد يبدأ الحلم يتلاشى عندما أفكر في النقطة ال21 ... وين المشكله ؟

هل من حقي أن أحلم وأطور نفسي وأحقق ربح أفضل أو المفروض علي أن التزم بالهدف الثابت =20 نقطة/يوم واخرج!

 

 

 

 

 

 

[أشقر]

 

أنا أحيانا بفضل ادرس الدخول والمؤشرات الفنيه للفرصه والهدف والستوب واحيانا من غيييييير ستوب ...
بعديييييييييين ادخل العمليه وعلاطول بسكر الشاشه واروح اشرد اي مكان ابعيد عنها

ولكن هذا لا يمنع اني كل فتره وفتره من الزمن اشوف السعر على الموبايل وييين راح.

بس الصراحه الموضوع من الآخر بدو ثقه كااااافيه بالصفقه اللي ابندخلها انها رح اتجييب الهدف ولو بعد حيين .

هدا رأيي ويا رييت الكل ايشاركنا بشعووورو على طول بعد ما ايخش الصفقه

 

 

 

 

 

 

[ابن الفاروق]

 

أكبر عقبة كما ذكرت اخي هي العقبة النفسية والتي تشمل الطمع والخوف والتوتر وغيرها من الامور

واضيف عليها نقص الخبرة

والله يعين الجميع

 

 

 

 

 

 

[sindbad_bahary]

 

المشاركة الأصلية كتبت بواسطة أحمد فؤاد الطمع

ازاي الطمع اثر على تداولاتك على الفوركس عايزين نعرف المشكلة واذا كنت لقيت ليها حل ولا لسه ؟

 

 

 

 

 

 

[sindbad_bahary]

 

المشاركة الأصلية كتبت بواسطة معتصم هنوش مشكلتي: أنني أرى الجزء الفارغ من الزجاجه عندما تبدأ الاحلام بتحقيق هدف طوله 20 نقطه الى الابد يبدأ الحلم يتلاشى عندما أفكر في النقطة ال21 ... وين المشكله ؟ هل من حقي أن أحلم وأطور نفسي وأحقق ربح أفضل أو المفروض علي أن التزم بالهدف الثابت =20 نقطة/يوم واخرج!

وانتا شايف ان 20 نقطة في اليوم نص زجاجة فارغة انتا عارف يا معتصم اني كان كل حلمي هو ال20 نقطة بتوعك دول حتي لو جم يوم اه ويوم لا بس المهم تعرف ازاي تجيبهم
ابو جواد بيحط تحليله على 20 نقطة جبتهم تبقي فارس ومع ذلك في ناس كتيرة جدا مش بتعرف تجيبهم

 

 

 

 

 

 

[sindbad_bahary]

 

المشاركة الأصلية كتبت بواسطة ابن الفاروق أكبر عقبة كما ذكرت اخي هي العقبة النفسية والتي تشمل الطمع والخوف والتوتر وغيرها من الامور واضيف عليها نقص الخبرة والله يعين الجميع

نقص الخيرة معروف انها ممكن تؤدي للخسارة انما ممكن يبقي خبير استراتيجي في فنون الفوركس ومع ذلك الطمع والخوف والتوتر يؤدي لخسارة برضه انتا اتعرضت لحاجة زي ديه قبل كده؟؟؟؟

 

 

 

 

 

 

[أحمد فؤاد]

 

المشاركة الأصلية كتبت بواسطة sindbad_bahary ازاي الطمع اثر على تداولاتك على الفوركس عايزين نعرف المشكلة واذا كنت لقيت ليها حل ولا لسه ؟

الطمع نوعين :-

النوع الاول / و هو انك مثلا محدد الهدف فى الصفقة 100 نقطة و طمعان ان الصفقة تزيد فى عدد النقاط فتعكس عليك بسرعة و تخسر كل شىء

النوع الثانى / و هو فى حجم اللوط اى انك تدخل بلوط اكبر من حدود راس مالك