[الفوركس عذابي]

 

المشاركة الأصلية كتبت بواسطة phero اغنيه اليوم : الى انت شايفه يا يورو اعمله الى انت جاى عشان تنيّله كمله كده او كده اوردراتنا مش هايطولو يبقى ليه المارجن بنا ناجله ..... ايه يعنى لو خسرت منك قرشين ايه يعنى لو هادمع دمعتين خسرنى دلوقتى بلاش بعدين دا الخساره سهله فى اولها ..... ان عشنا وان كان لينا عمر هافكرك انا كنت باقى عليك وخلتنى اخسرك وانا مش هاقول بعت ليه وايه غيرك والبعد لو كان صعب بكره استسهله ....

اغنية اليوم اغنيتين بما انه السوق اغلق
اتهمتك وابتديت اغرق فشارتي...تهت وتخيلت ترندك...وانت متعود تمرجني..وإني مش دايما حليفتك
اتهمتك....وابتديت سهر الليالي بين شموعي وانهياري...والحقيقة غير خيالي..الحقيقة اني ظلمتك
غصب عني عقدي خاني...وانت سبتو يزيد عليا...عقدي قال لي لما تمشي مش حترجع ثاني ليَا...وابتديت سهر الليالي بين شموعي وانهياري...والحقيقة غير خيالي...الحقيقة اني ظلمتك
اااااااااااااااااااااااااااااااه ظلمتك
ايوى بعتك وبعتذرلك ...الماكد قال لي حتسامحني...وانت لازم تعتذرلي اصل ظني فيك جرحني
وابتديت سهر الليالي بين شموعي وانهياري...والحقيقة غير خيالي...الحقيقة اني ظلمتك
اااااه ظلمتك
الاغنية الثانية
عايز الحق...ايوى حسابي لشارتك دق...ايوى حلمت ان تدبلني واني اعتمدك...وفات الوقت وجيت دى الوقت..انا مضطرة اقلك لأ...لأ...لأ...استنيتك مانثلي بحاله وانت بعيد...كان من حقي اني اتاجر بحد جديد...يعني انتهت كل الحكاية وما عادش فاضل ولا عقود...وفاتت الفريمات وجيت دى الوقت وانا مضطرة اقلك لأ...لأ..لأ...جيت متأخر والحسابات ما بتستناش ...جاي بهايك لا من فضلك ما تعملهاش...مين يبتدي بعد المرجنة ...من بعد متتقفل العقود......وراح الحساب وجيب دى الوقت....انا مضطرة اقلك لأ...لأ..............لأ.....يا يووورو لأ....لأ....لأ

 

 

 

 

 

 

[phero]

 

ربنا يكرمك يا ابو حاتم وصح يا غااااالى طلع بس حاجه تمشى ايدك فيها وتكبرها انا ليا صحبى خسران 3 مليون ددولار هههههه متفكرنيش بقى ربنا يزيدك ومبرووووك وربنا يزيدك كمان وكمان
وعنينا ليك يا غااالى

 

 

 

 

 

 

[phero]

 

هههههههه الله عليكى يا اختى فوركس اول اغنيه كنت هاكتب فيها سبحان الله قلت بلاش انتى جبتيها هههه ربنا يحفظك

 

 

 

 

 

 

[phero]

 

عضيان اووووعى تتدخل فى الشركه دى خليك فى الشركات الى هنا او شركه مضمونه عارفها

 

 

 

 

 

 

[حاتم كامل]

 

المشاركة الأصلية كتبت بواسطة محمد العضيان هلا شباب ... ابو حاتم UFX bank وش رأيك فيها تنصحني فيهم

صباح الفل يا عم محمد احنا لسه بنقول ايه اقرأ المشاركات من اول الصفحه
اخونا الشبل و ابوجواد لسه قايلن لي انها شركه نصابه و صهاينه خنازير
و اخوك فيرو نصحني ب اف كس سوليشن عشان بتقبل كارت النت بدون عمولات ونا نويت ان شاء الله اسحب من ufx bank زفت و احول ل اف اكس سوليشن بمشيئه الله

 

 

 

 

 

 

[$)Barmuda($]

 

المشاركة الأصلية كتبت بواسطة حاتم كامل و الله انا كنت فاتح معاهم و قالولي لا يقبلو بتحويل كارت الإنترنت جايز عشان انا كنت عايز أبدأ ب 2000 دولار فقط احول 10000 دولار ليه يعني كتير جدا على الفوركس دي فلوس العيال يا عم يوسف و المبلغ الكبير بيجيب وسوسه الشيطان و نتا عارف شيطان الفوركس عامل ازاي انا إكتشفت ان الشطاره إنك تحط 250 دولار و تخليهم 10000 دولار مش العكس طب هقولك بس ف سرك عشان دا رزق انا حطيت مع ufx bank النصابين دول 500 دولار المينيمم بتاعهم ووصلو 250 دولار إنما دلوقت فوق ال 1000 دولار يعني تدبيل 4 مرات بفضل الله وحده ولا أقول مثل الجهله و الكفره اوتيته على علم استغفر الله العظيم انا اتمرجنت 6 مرات قبل كده و الله و خسرت 13 الف دولار على ست مرات عشان المبلغ الكبير بيجيب الطمع و الوسوسه و ربنا يحفظ الجميع

اسحب فلوسك من عندهم قبل أن تعض أصابع الندم
نصيحه من أخوك

 

 

 

 

 

 

[محمد الشبل]

 

صباح الخيرات والمسرات
اخواني محمد العضيان

برمودااااااااااااااااا

الله يسعدكم

 

 

 

 

 

 

[حاتم كامل]

 

المشاركة الأصلية كتبت بواسطة phero ربنا يكرمك يا ابو حاتم وصح يا غااااالى طلع بس حاجه تمشى ايدك فيها وتكبرها انا ليا صحبى خسران 3 مليون ددولار هههههه متفكرنيش بقى ربنا يزيدك ومبرووووك وربنا يزيدك كمان وكمان وعنينا ليك يا غااالى

لا حول و لا قوه الا بالله لسه بقول ليوسف و الله المبلغ الكبير بيجيب الوسوسه و الأحلام و الخيالات
تبدأ خايف و بلوت صغنن و تكسب و تكسب و تكسب و تقول ااااه مش لو كنت حطيت الف بدل خمسين كان زمانهم الفين بدل ميه
تاخد ثقه و الرهبه تروح و يتهيألك ان الفوركس ده حبيبك و الشاشه صحبتك و هتفضل خضرا على طول
و بإيدك الحلوه تحط لوط كبير
يعكس السوق معاك تقول لألألأ دا الفوركس حبيبي و الشاشه صحبتي و العمله هتسمع كلامي
الشاشه تحمر اكتر و تقرب م الإستوب تقوم بإيدك الحلوه برضه تشيل الإستوب و تقول هنام النهارده و بكره الفوركس هيصالحني و ارجع الاقي الألف بقو اربعه مش ال 700 اللي على الشاشه دول
و الباقي انتا عارفه بقااااااااااااااااااااااا

 

 

 

 

 

 

[phero]

 

الواحد بيسمع ترنسات لحد ما هايتكهرب ههههههه

 

 

 

 

 

 

[phero]

 

عندك حق والله صح يا غالى والله المهم تدير راس مالك صح ازاى دا المهم وربنا يوفقنا جميعا
برمودا عامل ايه يا غالى يارب تكون بخيير